Dy shqiptarë janë arrestuar nga policia e Maqedonisë së Veriut, pasi u kapën me një sasi lënde narkotike.
Me anë të një automjeti, ata po transportonin një sasi droge prej 45 kilogram.
Lënda narkotike u zbulua në pikën kufitare me Greqinë në Bogorodica.
Shoferi dhe pasagjeri akuzohen për shitjen e 34,6 kilogramë marijuanë dhe 9,8 kilogram hashash.
Drejtoria e Doganave në Maqedoninë e Veriut tha në një konferencë se, "dje në orën 12:30 në kalimin kufitar Bogorodica në dalje nga Maqedonia në një automjet me targa shqiptare i drejtuar nga shtetasi O.L dhe bashkudhëtari A.J. nga Shqipëria, doganierët gjatë kontrollit në dyshemenë e automjetit kanë gjetur 49 paketime me kanabis".
Shefja e shërbimit për luftë kundër kontrabandimit Liljana Zhivkoviç-Davitkova qartësoi se droga e gjetur ishte e destinuar për tregun në Greqi dhe Turqi, dhe ishte prodhuar në Shqipëri. /k.k/noa.al/