Loading...
Horoskopi ditor, e premte 19 prill 2019
Transmetuar më 18-04-2019, 15:00

Ky është horoskopi për ditën e premte, 19 prill 2019 që Noa.al sjell për ju. Njihuni me parashikimin e astrologut italian Paolo Fox, për punën, shëndetin dhe ndjenjat, si do të ecë dita për të lindurit e çdo shenje.

Dashi

Ju pret një ditë e mbushur me surpriza të shumta. Mund të fitoni një sfidë të vogël ose të keni një mundësi të cilën nuk e kishit menduar më parë. Kjo gjë ka të bëjë me ata persona që kryejnë një punë krijuese apo të pavarur.

Demi

Gjatë kësaj të premteje duhet të mundoheni që të relaksoheni dhe të mos mendoni për problemet e punës. Mundohuni që të shmangni personat që nuk ju lejojnë që të jeni të qetë por edhe ata që duan konfliktet. Në ditët në vijim mund të mërziteni për shkak të ndonjë problemi ekonomik.

Binjakët

Kjo ditë kërkon që t’iu lini më shumë hapësirë ndjenjave. Shihni përreth pasi keni nevojë për më shumë siguri në sferën sentimentale dhe nëse personi që keni pranë nuk ua ofron, atëherë bëni mirë që të shikoni përreth. Nuk duhet të harroni se shenja juaj është e dominuar nga Mërkuri, i cili përfaqëson inteligjencën.

Gaforrja

Parashikohet një ditë tejet interesante dhe intriguese, sa i takon dashurisë. Do të ketë edhe një situatë për tu rikuperuar, e cila mund të ketë të bëjë me punën. Nuk është e lehtë që në këtë periudhë të kuptoni se çfarë është e rëndësishme. Mund të keni të bëni me persona të cilët në të kaluarën, nuk janë sjellë në mënyrë të ndershme.

Luani

Kjo ditë do të jetë speciale, për shkak se yjet janë mjaft të favorshëm dhe do ju ofrojnë mundësi të shumta, të cilat duhen kapur fluturimthi. Do të rikthehen në lojë ndjenjat, ndërsa ata që kanë një histori aktualisht, mund të hedhin një hap më shumë.

Virgjëresha

Përgjithësisht jeni persona me baza të forta, por tashmë ka ardhur momenti që të zgjeroni horizontin dhe të ndryshoni ambient. Duhet të zhvendoseni më shumë, të shoqëroheni me njerëz të rinj dhe të bëni njohje interesante, pasi monotonia nuk premton rritje. Parashikohen takime interesante.

Peshorja

Nuk do e keni të lehtë që të shkëputeni dhe të mos mendoni shumë për problemet gjatë kësaj periudhe. Shumë prej jush duhet ta bëjnë, në mënyrë që të konsolidojnë lidhjen në çift, sidomos nëse sapo kanë kaluar një krizë. Megjithatë tensionet nuk do të mungojnë.

Akrepi

Nëse keni vuajtur së fundmi për shkak të ndonjë problemi shëndetësor, më në fund do të jeni më mirë dhe do të rigjeni qetësinë. Kush ka kaluar një ndarje, do të ketë mundësi për njohje të reja, por kjo gjë do të varet prej jush. Nëse hiqni dorë nga e kaluara, situata paraqitet premtuese.

Shigjetari

Gjatë kësaj dite duhet të rigjeni qetësinë dhe harmoninë me veten tuaj. Është e rëndësishme që të shfrytëzoni praninë e Venusit dhe të jeni më optimist, gjë që do ju dhurojë ndonjë kënaqësi të bukur.

Bricjapi

Ju pret një e premte e mbushur me tension. Të lindurit e kësaj shenje janë pozitiv, por nëse dikush i ngacmon, do të gjejnë kurajo për të shpërthyer si kurrë më parë, shkruan noa.al. Afrimi i fundit të muajit do ju përballë me një problem shumë të rëndësishëm.

Ujori

Kjo ditë do të jetë kaotike dhe e mbushur me angazhime të shumta. Mund të hasni në ndonjë problem në punë. Megjithatë mundohuni që të zgjeroni horizontet tuaja dhe të shijoni më shumë raportin në çift.

Peshqit

Kjo ditë parashikon rizgjim emocionesh, ku Hëna do të jetë në anën tuaj dhe do të bëjë që të ndiheni më të qetë dhe në paqe me veten. Është një moment ku duhet të përqendroheni më shumë në hapat që duhet të hidhni në punë, për shkak të disa çështjeve burokratike dhe kontraktuale. /a.y/noa.al

Loading...
Loading...