Nuk do të jetë një lindje e zakonshme, Meghan Markle zgjedh mënyrën e veçantë
Transmetuar më 15-04-2019, 08:58

Bashkëshortja e princit Harry të Anglisë, Meghan Markle, brenda pak ditësh do të sjellë në jetë fëmijën e saj të parë.

Ajo ka vendosur që të lindë në shtëpinë e saj në Frogmore Cottage, dhe gjatë lindjes do e asistojë një gjinekologe femër.

Mediat angleze shkruajnë se për momentin e veçantë Meghan po përgatitet me joga dhe meditim.

Dukesha ka refuzuar gjinekologun e familjes mbretërore Guy Thorpe-Beeston, duke vendosur që në lindje ta asistojë një femër dhe flitet se do të zgjedhë mes mjekeve Charlotte Deans, Mina Savvidou dhe Natasha Singh, shkruan noa.al.

Mësohet se Meghan preferon që të lindë në ujë, një praktikë shumë e përhapur viteve të fundit. /a.y/noa.al