Mblidhet sot seanca e radhës parlamentare gjatë së cilës pritet të betohen edhe deputetët e rinj të opozitës.
Pas mbledhjes së mbajtur ditën e djeshme Këshilli për Rregulloren, Mandatet dhe Imunitetin vendosi që t’i përcjellë seancës plenare raporti për dhënin e mandatit të deputetit për kandidatët Elda Hoti e LSI, Erdiola Braha e LSI, Edlira Hysenit e LSI, Lefter Maliqit dhe Majlinda Halilajt të PD-së.
Ndërkohë pritet që sot të mblidhet sërish Këshilli i Mandateve, për të miratuar kandidatin Ligoraq Karamelo për qarkun e Korçës dhe Alban Zenelin për Kukësin, nga radhët e PD.
Me betimet e sotme shkon në 11 numri i deputetëve të rinj të opozitës.
Kjo pasi javën e kaluar morën mandatin në KQZ dhe më pas u betuan në Kuvend, Edmond Rushiti, i cili zëvendësoi Endrit Braimllarin e LSI.
Po në Tiranë, Floida Kërpaçi u zëvendësua nga kandidati Ylli Shehu.
Ndërkohë në Elbasan, mandatin e Edmond Haxhinastos, KQZ ia kaloi kandidatit pasues Enver Roshi.
Mandati i Vangjel Tavos në Gjirokastër, i kaloi Ediola Brahës.
Ndërkohë qysh në krye të herës Lefter Koka i LSI refuzoi të djegë mandatin, ashtu si Myslim Murrizi dhe Rudina Hajdari e PD. /a.y/noa.al