Transmetuar më 19-02-2019, 22:28

Gazetari Blendi Fevziu i ftuar në "Tempora" nga Sonila Meço në Ora Neës, tha se situata është shumë e rëndë pas vendimit të opozitës për djegien e mandateve.

Sipas Fevziut kjo është një situatë e rëndë dhe një vendim i paparashikueshëm.

"Shpresoj që kjo situatë të kalojë sa më shpejt. Është një vendim i paparashikueshëm, është një situatë shumë e rëndë. Diçka e tillë nuk ka ndodhur në 30 vite. Ka pasur situata të tjera edhe më të vështira, por kjo situatë është e paprecedentë dhe askush nuk e parashikon dot se si mund të jetë zgjidhja", ka thënë Fevziu.

Pyetjes nga Sonila Meço nëse mund të ketë zgjedhje në këtë rast, Fevziu i është përgjigjur:

"S’mund të ketë zgjedhje pa opozitën. Opozita nuk hyn në zgjedhje. Zgjedhje me një palë nuk kanë sens. Mendoj se do të zgjasë. Nuk është një situatë që zgjidhet shpejt. Ndërkombëtarët do të përpiqen ta thyejnë Bashën. Ka vetëm dy rrugë, o do ketë përplasje o do ketë marrëveshje"./a.k/noa.al/