Në shkollën e bashkuar në Gruemirë, ku studiojnë 16 gjimnaziste, asnjë prej tyre nuk është larguar nga mësimi.

Mësues dhe nxënës mohuan që ndaj një prej 16 vajzave të shkollës së tyre të ketë patur përndjekje nga ndonjë polic, apo më saktësisht nga polici Berhan Bajrakurti. Këtë dëshmi vajzat dhe mësuesit ia kanë dhënë edhe policisë, e cila ende nuk e ka gjetur se kush e denoncoi policin për ngacmim seksual ndaj një të miture.

Arben Cufaj, mësues pranë kësaj shkolle, thotë se nuk ka dijeni që ky rast të ketë ndodhur mes nxënësve të tij.

“Jam mësues në këtë shkollë dhe nuk lidhje më këtë shkollë fare ky diskutim që bëhet, të paktën ene nim asnjë gjë. Nuk ka asnjë vajzë që është cenuar”, shprehet mësuesi për TCH.

Banorët shprehen të tronditur, por sërish janë mosbesues dhe shpresojnë që të mos jetë e vërtetë. Sidoqoftë, ato thonë se individë si efektivi nuk duhet të jenë më pjesë e policisë.

“Ne si komunitet kur dëgjuam në media, ishim shumë të shqetësuar. Po më mbrapa kur kuptuar se na lindi dyshimi se në të vërtete se nuk mund të ketë ndodhur”, u shpreh një banor.

Ende mbetet mister identiteti i denoncueses së videos në internet. E ndërkohë, efektivi Berhan Bajrakurtaj mbetet në pritje të masës së sigurisë nga Gjykata e Shkodrës.