Transmetuar më 01-02-2019, 18:48

Tiroidja është gjëndra më e madhe e sistemit endokrin pavarësisht peshës së saj 15-20 gr tek një individ i rritur. Ajo është përgjegjëse për zhvillimin mendor dhe fizik. Gjenetika, stresi, ndotjet e ambientit, të gjitha këto ndikojnë tek funksionimi i gjëndrave të tiroideve.

Dieta ushqimore gjithashtu luan një rol të rëndësishëm, megjithatë ky faktor mund të kontrollohet lehtësisht. Më poshtë do të gjeni disa nga ushqimet që janë të mira për tiroidet.

Kosi- është një burim i mirë i jodit. Tiroidet kanë nevojë për jod që të funksionojnë siç duhet. Nëse nuk merrni mjaftueshëm jod, ju rrezikoheni të prekeni nga hipertiroidizmi.

Frutat e thata- janë të pasura me një ushyqes që ndihmon në rregullimin e hormoneve të tiroideve: seleni. Seleni është i mirë për tiroidet, megjithatë nuk duhet ta teproni më të, pasi shkakton rënie të flokëve, erë të keqe në gojë, thyerje të thonjve, madje edhe probleme me zemrën.

Qumështi- Duke pirë 1 filxhan me qumësht lope në ditë, ju do të konsumoni 1/3 e sasisë së nevojshme të jodit që duhet të merrni çdo ditë.

Peshku- Peshqit janë një tjetër burim i mirë i jodit. Kërkuesit shkencorë kanë zbubluar se njerëzit që jetojnë në male dhe nuk kanë det afër janë më të rrezikuar të vuajnë nga tiroidet. Rreth 80 gr merluc i pjekur përmban rreth 0.099 miligramë jod, apo 66% të sasisë së rekomanduar në ditë. Peshku ton është një tjetër opsion i mirë: rreth 80 gramë nga ky peshk përmban rreth 0.017 miligramë jod, ose 11% të sasisë së rekomanduar. Ky lloj peshku është i pasur gjithashtu me selen.

Veza- Një vezë përmban rreth 16% të jodit dhe 20% të selenit që na duhen në ditë, prandaj është ushqimi i duhur për personat që vuajnë nga tiroidet.