Një mbledhje e pedagogëve të Universitetit të Tiranës, u mbajt ditën e sotme, ku u miratuan disa kërkesa, ku më kryesoret janë ato për anulimin e ligjit për arsimin e lartë dhe rishikimi i Vendimeve të Këshillit të Ministrave sa i takon universiteteve.

Pedagogët paralajmëruan se do të ndërpresin mësimin pa afat dhe do të shkojnë deri në grevë urie, në rast se kërkesat e tyre nuk marrin përgjigje pozitive.

Ata shprehën mbështetje ndaj protestës së studentëve duke kërkuar:

-Rishikim dhe ndryshim të ligjit për arsimin e lartë

-Anulimin e menjëhershëm të VKM

-Ndalimi e denigrimit të figurës së pedagogëve

-Miratim i statusit të pedagogut

-Rritjen e financimit publik për arsimin me 0.5% brenda këtij viti dhe me rritje graduale. /a.y/noa.al