Stilisti italian Pierpaolo Piccioli ka në fokus ngjyrat dhe nuk bëhet fjalë vetëm për veshjet.
Koleksioni i tij pranverë-verë 2019, është një homazh për bukurinë dhe diversitetin, duke përzgjedhur edhe modele me ngjyrë për sfilatën e tij, ku nuk mund të mungonte pantera e zezë, Naomi Campbell.
Në pasarelën e kësaj të mërkure të Valentino në Paris, sfiluan fustane me ngjyra dhe jo vetëm, por edhe 65 modele, ku 40 prej tyre ishin me ngjyrë.
Sfilata u mbyll nga diva Naomi Campbell, ku si veterane e pasarelave të modës u shfaq me një fustan transparent të zi, duke nxjerrë në pah hiret e saj.
Ndërkohë në pjesën e barkut ishin vendosur lule të ngjitura direkt në lëkurë.
Rikthimi i Campbell bëri bujë në mediat ndërkombëtare, ku gjithë objektivët fotografik, u përqendruan drejt saj. /a.y/noa.al