Një makinë ka shpërthyer në flakë pasditen e sotme në Korçë.
Ngjarja ndodhi pranë një karburanti, ndërsa dyshohet se shkak ka qenë rrjedhja e gazit në automjet.
Makina është e llojit “Benz” me targa AA575PT, në pronësi të shtetases V.D, i cili ka qenë i ndaluar pranë një karburanti.
Për pasojë kanë marrë dëmtime shtetasi D.M, (punonjës i karburantit) drejtuesja e mjetit V.D, shtetasja J.O dhe shtetasi F.D, që ndodheshin brenda në mjet, të cilët u dërguan për ndihmë mjekësore në Spitalin e Korçës, ku ndodhen jashtë rrezikut për jetën.
Paraprakisht dyshohet se në mjet ka pasur rrjedhje gazi dhe zjarri mund të ketë rënë
aksidentalisht, nga ndezja e një cigareje nga drejtuesja e mjetit.
Grupi hetimor po punon për të sqaruar rrethanat e ngjarjes dhe përcaktuar shkaqet e rënies të zjarrit. /k.k/noa.al/