Ministri aktual i Brendshëm ishte edhe kryetar i Autoritetit të Aviacionit Civil dhe sot, me një vendim të Këshillit të Ministrave është zëvendësuar me Artan Shkrelin.
NOA informon se në mbledhjen e sotme të qeverisë që u drejtua nga zëvendëskryeministrja Senida Mesi, u mor vendimi për zëvendësimin e Sandër Lleshit me Artan Shkrelin, i cili nga sot është kryetari i ri i Autoritetit të Aviacionit Civil.
Sakaq është larguar nga posti i anëtarit të Këshillit Drejtues të Autoritetit të Aviacionit Civil edhe Hajrulla Ceku, i cili zëvendësohet nga sot nga Elira Kokona.
Vendimi i qeverisë erdhi me propozimin e ministrit të Infrastrukturës dhe Energjisë.
Më herët, nëntorin e kaluar, Këshilli i Ministrave, e kishte emëruar Sandër Lleshin, kryetar të Këshillit Drejtues të Autoritetit të Aviacionit Civil.
Ky institucion përbëhet nga kryetari dhe 4 anëtarët e këshillit drejtues të këtij autoriteti.
Sipas VKM, këshilli drejtues i Autoritetit të Aviacionit Civil mori këtë përbërje:
Sandër Lleshi, kryetar;
Brunilda Lilo, anëtar;
Hajrulla Çeku, anëtar;
Vladimir Avdiaj, anëtar;
Etleva Kondi, anëtar.