Transmetuar më 19-12-2018, 07:30
Foto ilustruese
Makina e një gruaje është përfshirë nga flakët në orët e para të mëngjesit të kësaj të mërkure.
Ngjarja ka ndodhur në Gjirokastër dhe mjeti i shkrumbuar i përket Donjeta Xhelilit.
Mësohet se ngjarja ka ndodhur teksa automjeti tip “Citroen” me targa AA65ORV ka qenë i parkuar.
Më konkretisht mjeti ishte parkuar në vendin e quajtur “Depot e djathit”, në lagjen Mecitë, kur befas është përfshirë nga flakët.
U desh ndërhyrja e shërbimit zjarrfikës, për vënien e zjarrit nën kontroll.
Paraprakisht dyshohet se mund të jetë zjarrvënie e qëllimshme, teksa policia po heton për të zbuluar më shumë. /a.y/noa.al