Ish-ministri demokrat i Financave, i propozuar nga Kryeministri Edi Rama për Këshillin Mbikëqyrës të Bankës së Shqipërisë, ka folur për herë të parë lidhur me këtë kandidaturë.
I pranishëm në mbledhjen e sotme të Komisionit të Ekonomisë, ku u shqyrtua kandidatura e tij, Bode tha se pranimi për të dhënë kontributin u bë jashtë çdo ndikimi politikë.
Bode tha se me eksperiencën dhe formimin e tij do të kontribuojë në një debat konstruktiv për të përmbushur të gjithë detyrimet ligjore që ka Banka e Shqipërisë.
“Me bordin e ri dhe debatin që do të zhvillohet brenda do mund të marrim një përgjigje pozitive. Të gjithë kemi çmuar punën e Bankës së Shqipërisë, unë mendoj që jo vetëm eksperienca ime do kontribuojë në një debat të dobishëm”, u shpreh Bode.
Në vijim tha se e pranon ftesën i zhveshur nga të gjitha ngarkesat politike, duke kontribuar me paanësi. /a.y/noa.al