Transmetuar më 08-12-2018, 22:58

Rrjeti social Facebook, që përdoret masivisht në mbarë botën është dënuar me gjobë në Itali.

Facebook ka marrë një gjobë nga  Bordi i Konkurrueshmërisë në Itali me vlerë 10 milionë euro.

Në një deklaratë me shkrim nga Bordi i Konkurrueshmërisë thuhet se Facebook është dënuar me gjobë prej 10 milionë eurosh për shkak të përdorimit në mënyrë ilegale me qëllime komerciale të informacioneve personale të përdoruesve.

Më tej thuhet se Facebook ka shkelur pikat 21 dhe 22 të ligjit për konsumatorë dhe se ka përdorur informacionet e përdoruesve për qëllime komerciale pa i njoftuar menjëherë.

Bordi i Konkurrueshmërisë ka zbuluar se kur ka ndonjë sulm kibernetik ndaj informacioneve të përdoruesve të Facebook-ut, nuk ka ndonjë sistem të paralajmërimit automatik.