Dalin detaje të reja lidhur me furgonin e mallrave të bllokuar paraditen e kësaj të mërkure në Qafë Thanë, ku u zbulua lëndë narkotike.
Mësohet se në mjetin e ndaluar në pikën e kalimit kufitar janë gjetur 570 kilogramë kanabis sativa, të fshehura në shasinë e furgonit.
Lidhur me këtë tentativë trafikimi drejt Maqedonisë, janë arrestuar shtatë persona, teksa nuk dihet ende destinacioni final i lëndës narkotike.
Rezulton se furgoni i mallrave me targa AA 356 NA është në pronësi të një kompanie biznesi në Fier.
Policia e kishte mbajtur furgonin nën vëzhgim qysh në momentin e ngarkesës, për ta ndjekur më tej, deri kur u bllokua në rrugën nacionale Elbasan-Qafë Thanë.
Dyshohet se lënda narkotike, nga Maqedonia do të trafikohej në një prej vendeve të Bashkimit Europian. /a.y/noa.al
Operacion antidrogë në Qafë Thanë, bllokohet furgoni që transportonte lëndë narkotike