Pas aksidentit me pasojë vdekjen e një punëtori në një fabrikë në Elbasan, është vënë në pranga një person.
I arrestuari është Flamur Alterziu, 58 vjeç, banues në Elbasan, përgjegjës turni.
Gjithashtu është shpallur në kërkim dhe po punohet për kapjen e inxhinierit K.H., 30 vjeç, banues në Gostivar, Maqedoni.
Arrestimi dhe shpallja në kërkim u bë për veprën penale “Shkelja e rregullave të mbrojtjes në punë”, pas vdekjes së 62-vjeçarit Naim Derstila.
Viktima ndërroi jetë mbrëmjen e kësaj të mërkure në Spitalin e Traumës në Tiranë, si pasojë e dëmtimeve të marra.
Mësohet se Derstila u aksidentua duke punuar në uzinën e çelikut. Më konkretisht ai u rrëzua nga vinçi duke punuar dhe për pasojë preu njërën këmbë.
Si pasojë e dëmtimeve të marra dhe hemorragjisë 62-vjeçari ndërroi jetë, pavarësisht se u dërgua me urgjencë drejt Spitalit të Traumës në kryeqytet. /a.y/noa.al