Dalin emrat e shqiptarëve të arrestuar, gjatë operacionit për shkatërrimin e një grupi kriminal që merrej me trafik droge në Itali, ku mëngjesin e kësaj të marte u arrestuan 20 persona.

Në grupin që përbëhej nga italianë, moldavë dhe ukrainas, bënin pjesë edhe dy shqiptarët Leonardo Staka 26 vjeç dhe Harient Helmi 22 vjeç.

Operacioni për shkatërrimin e grupit të strukturuar kriminal u zhvillua në Venezia të Italisë, në bashkëpunim me policinë spanjolle dhe austriake.

Operacioni nisi në orët e para të 20 nëntorit, ku gjatë tij u sekuestruan objekte dhe pasuri të patundshme me vlerë, rreth 1 milion euro.

Hetimet ndaj këtij grupi kriminal kanë nisur qysh në muajin prill 2017, kur u zbulua një grup që importonte drogë nga Spanja drejt Italisë.

Në vijim të hetimeve u sekuestrua mbi 200 kilogramë lëndë narkotike, e cila transportohej me taksi dhe autobusë nga Spanja drejt Italisë.

Grupi kriminal vepronte kryesisht në zonën e Venezia, Padova, Trevizo dhe Vicenca.

Aktualisht hetimet janë në vijim, për të zbuluar persona të tjera që mund të jenë të përfshirë në këtë grup kriminal.

Mësohet se pjesëtarët e grupit i kishin rolet e ndara në transport dhe shpërndarje, ku vepronin kryesisht në lokale gjatë festave, por edhe pranë shkollave. /a.y/noa.al

Trafikonin drogë nga Spanja, mes të arrestuarve në Itali, edhe shqiptarë