Transmetuar më 19-11-2018, 18:56

Adi Krasta rikthehet sot në ekran. Gazetari e prezantuesi i njohur televiziv starton sot sezonin në News24, për t’u shfaqur çdo të hënë në “prime time”.

Emisioni do të ketë si logo te tij, inicialin “A” të cilin Krasta e ka përdorur edhe herë të tjera.

Ndërsa në ekran do të jetë pa ngjyrat e spektaklit, pasi në qendër do të jenë fjala dhe aktualiteti.

Disa personazhe do të jenë përballë Krastës për t’u rrëfyer por jo vetëm. Emisioni rezervon dhe hapësira të tjera të ndryshme nga sa jemi mësuar zakonisht.

Prej disa kohësh Krasta i ka munguar ekranit dhe publikut.