Urdhri i Stomatologut të Shqipërisë po përgatit një projekt-propozim për vendosjen e çmimeve dysheme për shërbimet dentare në vend. Në një njoftim zyrtar, Urdhri shkruan se “për hartimin e këtij projekti u morën për bazë çmimet e afishuara në mbi 300 klinika e kabinete dentare në të gjithë Shqipërinë, 10% e gjithë dentistrisë”.
Ky projekt do të kalojë me ndryshimet e nevojshme dhe përfundimtare nga Këshilli Kombëtar të U.S.SH., në mbledhjen e Marsit të vitit 2019 dhe pas miratimit në Këshill Kombëtar, lista e çmimeve dysheme, do t’i dërgohet Ministrisë së Financave për regjistrim në kasat fiskale, transmeton ‘scan’. Krahas listës së çmimeve, projekti parashikon edhe vendosjen e disa rregullave të reja ku përfshihet fletëgarancia për pacientin.
Projekt-propozimi:
Ҫmimet dysheme për shërbimet dentare në vendin tonë.
Vizita-500 Lekë
-Terapi
Mbushje grada II-të- 4000 Lekë
Mbushje grada III-të- 5000 Lekë
Pastrim gurëzash- 3000 Lekë
-Ortopedi
Protezë klasike (komplet)-40 000 Lekë
Protezë parciale (e thjeshtë)-15 000 Lekë
Protezë e lëvizshme e skeletuar- 35 000 Lekë
Këllëf porcelani- 9000 Lekë
Zirkon-18 000 Lekë
-Kirurgji
Ekstraksion-1.000 Lekë
Implant-70 000 Lekë
-Ortodonci
Aparat i lëvizshëm i thjeshtë- 30 000 Lekë
Aparat fiks-100 000 Lekë
Për të gjitha punimet ortopedike, dentisti duhet të marrë nga laboranti dy fletëgaranci 5 vjeҫare:
-Një fletëgaranci i jepet pacientit;
-Një fletëgaranci e mban dentisti në protokollin e mjekimit.