Transmetuar më 17-10-2018, 18:40
Ditën e sotme në mediat sociale ka qarkulluar një video e montuar, e cila tregonte se si kryeministri Rama iu sulej të gjithë atyre që luajnë lloto dhe bixhoz.
Por, pasi kanë kaluar disa orë nga shpërndarja e këtij materiali, ka qenë shefi i qeverisë, i cili e ka postuar këtë video në llogarinë e tij duke e shoqëruar me disa emoji.
Kjo vjen menjëherë pas deklaratave të kryeministrit Rama për mbylljen e të gjitha pikave të basteve brenda 31 dhjetorit, por kjo ide ka hasur në kundërshtime të forta në opinionin publik dhe tek vetë kompanitë.