Transmetuar më 12-10-2018, 13:06
Foto ilustruese
Një person ka mbetur i plagosur me armë zjarri mesditën e sotme në Tiranë.
Rreth orës 12:45 të kësaj të premte, në Selitë është plagosur me armë zjarri nga persona ende të paidentifikuar Mikel Shira, 18 vjeç.
I plagosuri është qëlluar me plumb në këmbë, ku për pasojë është dërguar për mjekim në spital.
Dyshohet se gjithçka ka ndodhur pas një konflikti për motive të dobëta, rrethanat e të cilit po hetohen.
Aktualisht po bëhet krehja e zonës si dhe janë ngritur pika kontrolli në akset rrugore dhe hyrje daljet e kryeqytetit.
Nga ana e policisë vijon puna për zbardhjen e rrethanave të ngjarjes, si dhe për kapjen e autorit/ve. /a.y/noa.al