Transmetuar më 09-08-2018, 08:55
Ushtria izraelite ka nisur sërish bombardimet ajrore në Gaza ku u shkaktuan edhe viktima të pafajshme.
Sulmet sollën një tragjedi familjare pasi një nënë shtatzënë dhe foshnja e saj vetëm 18 muajshe vdiqën.
Autoritetet shëndetësore palestineze thanë se viktima ishte një 23-vjeçare ndërkohë bashkëshorti i saj mbeti i plagosur.
Gjatë sulmeve u vra një militant i organizatës “Hamas” dhe 12 persona të tjerë mbetën të plagosur në radhët e civilëve.
Nga ana ushtrisë izraelitë nuk ka pasur ende një reagim lidhur me viktimat në radhët e civilëve.
Bombardimet nisën pasi disa raketa u lëshuan nga Gaza drejt territorit izraelit.a/.m./noa.al/