Policia e Dibrës arrestoi një 52-vjeçar të cilit iu gjetën lëndë plasëse në magazinën e lokalit të tij.
Operacioni policor për kontrollin e lokalit të shtetasit Njazi Pilafi ishte krejt rastësor, pa pasur informacione konkrete për posedim të lëndëve plasëse.
52-vjeçari ishte konfliktuar me fqinjin e tij. Pasi u informua për konfliktin, policia mbërriti në vendngjarje dhe nisi kontrollet në pronën e 52-vjeçarit.
Në magazinën e lokalit, policia gjeti 7 copë kallëpe me lëndë plasëse (me nga 400 gram secila, gjithsej 2 kilogramë e 800 gramë).
Po ashtu u gjeten dhe sekuestruan 58 copë kapsolla detonatore, si dhe rreth 4 metër fitil zjarrpërcjellës.
Konflikti banal mund t’i kushtojë dibranit që duhet të përballet me veprën penale “Mbajtje pa leje dhe prodhimi i armëve, armëve shpërthyese dhe i municionit”./a.m./noa.al/