Akti i çmendur që bëri ndaj vajzës së tij, i kushtoi 9 vite burg një babai që përdhunoi 19-vjeçaren.

Ngjarja ka ndodhur në vitin 2016, por së fundmi babai, që vetëm i tillë nuk mund të quhet, mori dënimin nga gjykata e Lartë e Glasgow.

James Elder mbajti dhe abuzoi Jamie-Leigh Craig në banesën e tij, në Parkhead të Glasgout.

19-vjeçarja më vonë i ka rrëfyer nënës se çfarë ndodhi, por, e traumatizuar i dha fund jetës në shtëpinë e saj, në qytetin Southside, në dhjetor 2016.

Një gjykatës tha se Elder vazhdoi të mohojë krimin e rëndë.

Zoti Matthews tha: Ju jeni dënuar për përdhunimin e dhunshëm të vajzës tuaj. Për një baba, që ta sulmojë vajzën e tij në këtë mënyrë është e paimagjinueshme.

Ai më tej e përshkroi veprën si ‘të neveritshme’ dhe ‘shkelje të rëndë të besimit’.

Elder do të mbikqyret për dy vjet të tjera pas lirimit të tij. Duke e përshkruar vajzën pas asaj që ndodhi, nëna e saj Liz Craig i tha gjykatës: Nuk ishte vajza që njihja. Ishte histerike.

Familja e Jamie-Leigh, nga ana e nënës së saj, pretendon se Elder duhej akuzuar dhe dënuar edhe për vrasje. /k.k/noa.al/