Transmetuar më 13-04-2018, 23:54

Jeni zgjuar ndonjëherë në mëngjes duke pyetur veten se pse patë një ëndërr me seks dhe që dukej aq reale?

“Vetëm për shkak se nuk jeni zgjuar nuk do të thotë që libido juaj është duke pushuar” – thotë seksologia e njohur në SHBA, Susan Block.

“T’i kushtosh vëmendje ëndrrave tuaja me seks, me kalimin e kohës mund të jetë një mënyrë e fuqishme që të merrni atë që dëshironi në jetë” – thotë Lauri Loewenberg, një ekspert i ëndrrave dhe autor i librit “Dream On”.

“T’i shkruash ëndrrat çdo mëngjes dhe t’i lexosh më pas ato pas një kohe mund t’ju ndihmojë që të shihni se çfarë është duke u përpjekur nënndërgjegjja juaj t’ju tregojë”.

Më poshtë, mund t’i lexoni ëndrrat më të zakonshme me seks, dhe çfarë thonë ato për ju.

Të kesh marrëdhënie seksuale me një të njohur

“Jo. Kjo nuk do të thotë se keni dëshirë që të tradhtoni partnerin tuaj me dikë që jeton pranë jush. Kjo do të thotë se ju mund vetëm ta admironi atë person dhe se ju i vlerësoni disa cilësi të tij, ose çfarëdo cilësie që ai shpreh në ëndrrën tuaj”- thotë Loewenberg.

“Seksi është akti i fundit i bashkimit mes dy individëve, kështu që kur keni seks me dikë në ëndrrat tuaja, mund të thotë se ju dëshironi atë çfarë ata kanë”- shton ai.

Afrimi me shefin tuaj

Po. Kjo ëndërr do të thotë se ju dëshironi të jeni më i/e afërt me shefin tuaj, por jo në atë mënyrë. Për shkak se seksi është shumë intim, kjo mund të thotë se ju jeni duke u ndjerë veçanërisht larg nga idetë e shefit tuaj apo stilit të menaxhimit, dhe mund të keni nevojë që të gjeni një mënyrë për t’u afruar më shumë me të (jo në mënyrën që do të ju bëjë të skuqeni).

Të përpiqesh të gjesh një hapësirë private me partnerin

“Ëndrrat e të pasurit probleme për gjetjen e një vendi për të bërë seks shpesh mund të përfaqësojë një mungesë të lidhjes mes jush dhe partnerit tuaj. Hidhni një sy kalendarit tuaj: A jeni të zënë me punë në vend që të bëheni të zënë me partnerin? Mund të jetë koha që të caktoni një natë intime” – thotë Loewenberg.

Të bësh seks në publik

Një koment kritik për partnerin tuaj, nga një mik apo anëtar i familjes, mund të ndezë këtë ëndërr të turpshme. Të jesh i ekspozuar para të tjerëve gjatë aktit seksual, mund të ketë lidhje me atë se si njerëzit e tjerë e shohin jetën dhe dashurinë tuaj.

Të fluturosh

Të jesh plotësisht i lirë, i pakufizuar, totalisht në një ndjesi fizike, ju duket e njohur? “Të fluturosh në ëndërr është e lidhur ngushtë me orgazmën”, – thotë Block.

Një ëndërr në të cilën fluturoni mund të jetë një tregues i qartë i frustrimeve në lidhje me gjendjen aktuale të vetë jetës suaj seksuale, ose thjesht mund të jetë mendja juaj duke luajtur me nënndërgjegjen tuaj, duke e nxjerrë atë në pah.

Seksi me një të famshëm

Keni ëndërruar duke bërë seks me një të famshëm? Sado e mirë që të ketë qenë ëndrra për të, në fakt nuk është për të fare. Ëndrrat seksuale me një të famshëm mund t’ju tregojë që ju kërkoni të jeni në qendër të vëmendjes në jetën tuaj.

Të ëndërrosh për një “ish”

Nëse kjo ju ndodh shpesh, mund të jetë thjeshtë truri juaj duke kërkuar në mes të kujtimeve të tij. Ndoshta ditëlindja e saj/tij po afrohet, ose ndoshta ju e keni parë ndonjë postim/tëeet të saj/tij në kohështrirjen tuaj, por kjo nuk do të thotë se ju dëshironi që përsëri të jeni së bashku.

Megjithatë, nëse ëndërroni shumë për të, mund të jetë një shenjë se ka një problem në marrëdhënien tuaj aktuale që tashmë duhet adresuar.