Pas dhënies së dorëheqjes së gruas së tij, të njëjtën gjë ka bërë edhe ministri i Ekonomisë në Greqi, Dimitris Papadimitrou.

Mediat greke thonë se dorëheqja e tij vjen pas zbulimit se bashkëshortja e tij, ministrja e Punës, Rania Antonopoulou, merrte subvencione për qiranë e banesës.

Kjo bëri që qeveria greke të përfshihet në skandal, çka solli edhe dorëheqjen e saj gjatë ditës së hënë.

Në orët e para të mëngjesit të kësaj të marte, mësohet se edhe Papadimitrou i ka paraqitur dorëheqjen Kryeministrit Alexis Tsipras.

Po ashtu bëhet e ditur se kjo dorëheqje është pranuar. /a.y/noa.al