Transmetuar më 08-01-2018, 17:31

Mjeku japonez, Shigeaki Hinohara, ishte një nga njerëzit e shkencave mjekësore që në Japoni ka jetuar më gjatë se gjithë koleget e tij.

Hinohara ka lindur më 4 tetor 1911, dhe vdiq më 18 Korrik 2017, në moshën 105 vjeçare.

Para se të listojme këshillat e tij, të përhapura në faqet të shumta e internetit në gjuhë të ndryshme të botës, duhet të theksohet se pavarësisht 105 viteve të tij, mjeku japonez ishte ende në shërbim me nje shëndet mendor dhe fizik per tu admiruar.

Gjatë jetës së tij, Hinohara ka shpërndarë 12 këshilla të rëndësishme, të nxjerra nga një intervistë që ai e dha ​​kur ishte 97 vjeç:

1 – Ushqehuni mirë

“Të gjithë ose ata që jetojnë gjatë, pavarësisht nga kombësia, raca ose gjinia, kanë një gjë të përbashkët: unë nuk jam mbipeshë”.

2 – Mos ndiqni rrugën e shkurtër

“Për të qenë të shëndetshëm, gjithmonë ngjitini shkallët dhe merrni me vete. Unë ngjit shkallet dy nga dy për të ushtruar muskujt e mi”.

3 – Zbuloni energjinë tuaj rinore

“Energjia vjen nga fakti i te ndjerit mirë, dhe jo kur hahet mirë ose kur fle shumë. Ne të gjithë e kujtojmë kur ishim fëmijë dhe ne ishim duke u argëtuar, duke harruar për të ngrënë ose për të fjetur.

Mendoj se edhe si të rritur mund ta mbajmë këtë qëndrim. Është më mirë të mos e lodhni trupin me shumë rregulla si ngrënia dhe koha e gjumit”.

4 – Mbaje veten të zënë me punë

“Planifiko gjithmonë përpara. Axhenda ime është tashmë e plotë për pesë vitet e ardhshme, me konferenca dhe punën time në spital”.

5 – Vazhdoni të punoni

“Nuk ka asnjë nevojë për të dalë në pension, por nëse është e nevojshme duhet të jetë shumë më tepër se 65 vjet. Pesëdhjetë vjet më parë kishte vetëm 125 njerëz japonezë mbi 100 vjeç, sot ka mbi 36,000”.

6 – Vazhdoni të ofroni kontributin tuaj në shoqëri

“Pas një epoke të caktuar duhet të përpiqemi të kontribuojmë në shoqëri. Kam punuar si vullnetar që kur isha 65 vjeç. Unë ende punoj 18 orë në ditë 7 ditë në javë, dhe e dua çdo minutë”.

7 – Përhapni njohuritë tuaja

“Ndani atë që dini. Unë ofroj 150 konferenca në vit, disa për 100 nxënës të shkollave të mesme, disa për 4,500 sipërmarrës.

Unë zakonisht flas për një orë ose një orë e gjysmë, duke qëndruar në këmbë, për të mbajtur trupin ne formë”.

8 – Kuptoni vlerën e disiplinave të ndryshme

“Shkenca në vetvete nuk mund të kurojë apo të ndihmojë njerëzit. Shkenca i trajton të gjithë si një realitet unik, por sëmundjet janë individuale.

Çdo person është unik dhe sëmundjet lidhen me zemrën e tij. Për të kuptuar sëmundjet dhe për të ndihmuar njerëzit na nevojiten artet liberale dhe vizuale, jo thjesht mjekësi”.

9 – Ndiqni instinktet tuaja

“Në kundërshtim me atë që është imagjinuar, mjekët nuk mund të kurojnë gjithçka dhe të gjithë, kështu që pse në disa raste të shkaktojnë dhimbje të panevojshme, si një ndërhyrje? Unë mendoj se muzika dhe terapi te tjera mund të ndihmojnë njerëzit më shumë se mjekët imagjinojnë”.

10 – Rezistenca ndaj materializmit

“Mos iu dorëzo manisë për të grumbulluar gjëra materiale. Mos harro: nuk e di kur do të vije radha për t’u larguar nga kjo botë dhe nuk do të marrim asgjë nga ato që kemi këtu”.

11 – Gjeni modelet e jetës dhe burimet e frymëzimit

“Gjeni dikë që ju frymëzon të shkoni më tej. Babai im më 1900 shkoi për të studiuar në Shtetet e Bashkuara, ai ishte një pionier dhe një nga heronjtë e mi.

Më pas gjeta udhëzime të tjera, dhe kur ndihem i paralizuar nga diçka, pyes veten se si do ta perballoj këtë problem”.

12 – Mos e nënvlerësoni fuqinë e argëtimit

“Dhimbja është diçka misterioze dhe argëtimi është mënyra më e mirë për ta harruar atë. Nëse një fëmijë po i dhembin dhëmbët dhe filloni të luajë me të, ai menjëherë do të harrojë dhimbjen.

Spitalet duhet të plotësojnë nevojat themelore të pacientëve: ne të gjithë duam të argëtohemi. Në Spitalin e Shën Lukës të cilin ka drejtuar dhe ku ka punuar deri në ditën e fundit kemi muzikë, terapi dhe mësime arti”.

Hinohara u bë anëtar nderi i Shoqërisë Kardiovaskulare Japoneze dhe mori Çmimin e Dytë dhe Urdhrin e Kulturës.

Ai u nderua nga Universiteti Perandorak i Kiotos, Universiteti i Thomas Jefferson dhe Universiteti McMaster duke marrë një doktoratë nderi. Ai vdiq më 18 korrik 2017 në Tokio në moshën 105 vjeçare. /k.k/noa.al/