Kryeqyteti i Suedisë, Stokholm, një ndër më të qetët në Europë, është tronditur sot nga shpërthimi i një bombe e cila shkaktoi vdekjen e një burri dhe plagosjen e një gruaje.
Ngjarja ndodhi sot (e diel) në metronë Varby Gard në zonën Huddinge në Stokholm, raporton noa.al duke cituar mediat lokale.
Një burrë rreth 60 vjeç, u shfaq në metro dhe në rrethana ende të paqarta nxori një bombë dhe e shpërtheu atë.
Menjëherë më pas, u konstatua plagosja në shkallë serioze e burrit si dhe një gruaje 45-vjeçare që gjendej afër tij në metro.
A ishte ky një akt terrorist?
Policia lokale rezervohet duke thënë se nuk kanë prova ta lidhin ngjarjen me terrorin duke e konsideruar si akt ende të paqartë.
Burri 60-vjeçar vdiq në spital, kurse kalimtarja nuk ka rrezik jete. /noa.al/
