Një vajzë vetëm dhjetë vjeçe është përdhunuar egërsisht nga një djalë i ri i cili edhe pse i martuar, nuk ngurroi t’i sulej të voglës për të abuzuar me të seksualisht.

Ngjarja e rëndë ndodhi në Koçan të Maqedonisë, raporton noa.al duke cituar burime zyrtare nga policia lokale në Vinnitsa.

Një grua 33-vjeçare nga Shtipi (aktualisht e paregjistruar dhe që jeton në Koçan) ka raportuar se 22-vjeçari nga Vinnitsa, A.H, i martuar, ka kryer sulmin seksual mbi vajzën e saj 10-vjeçare.

Vogëlushja u mor në pyetje bashkë me të ëmën dhe një psikologe e më tej iu nënshtrua kontrollit mjekësor në spitalin publik të zonës.

Mjekët konfirmuan se vajza ishte përdhunuar.

I dyshuari është arrestuar, por ai tha se kishte bërë seks pa dhunë me vajzën.

I dyshuari tha se disa herë kishin bërë seks dhe e konsideroi 10-vjeçaren si të dashurën e tij.

Tani, i riu përballet me akuzën e abuzimit seksual me fëmijët. /noa.al/