Ismet Shehu është një kuzhinier shqiptar që i ftuar në Opinion ka rrëfyer se ka pasur fatin të gatuajë për Mbretëreshën Elizabet të Anglisë.

Shehu ka treguar se bëhej fjalë për vitet 2009-2010 kur ai ishte student në Londër dhe ishte përzgjedhur si studenti më i mirë, i cili do të gatuante për Mbretëreshën.

Ai rrëfeu gjithë eksperiencën e tij dhe tha se ndihet tepër i lumtur për këtë.

Fevziu: Ç’deshe ti me Mbretëreshën?

Shehu: Fati.

Fevziu: Pse?

Shehu: Sepse më zgjodhën studentin më të mirë edhe shkova, për të gatuar.

Fevziu: Ti studioje në Londër?

Shehu: Po kam mbaruar universitetin Weston University, kam mbaruar bachelor për tre vite për kuzhinë. Kam bërë shkollë për çdo gjë, për menaxhim dhe për restorant për kuzhinë.

Fevziu: Çfarë i bërë Mbretëreshës?

Shehu: Ka qenë e gjitha me Peshk, gatimi ka qenë i gjithë me peshk. Unë isha student, por shefi i madh ishte profesor në Londër. Bëhet fjalë për vitet 2009 2010.