Kandidati VV-së, Shpend Ahmeti, do të qeverisë me kryeqytetin edhe për katër vitet e ardhshme, kështu duke marrë edhe një mandat të dytë, kjo sipas të dhënave nga EXIT POLL i realizuar nga Klan Kosova.

Këto të dhëna tregojnë që Shpend Ahmeti ia ka dalë të marrë 52.2% të votave kështu duke lënë pas kundërkandidatin e tij nga LDK-ja, Arban Abrashi,  i cili ka mbledhur 47.8% të votave.

EXIT POLL i Klan Kosovës i cili realizohet nga Shkëlzen Maliqi dhe ekipi i tij, ka mbledhur dhe analizuar të dhënat në 11 komuna nga 19 gjithsej sa kanë shkuar në balotazh, njofton Klan Kosova.

Befasuese në Gjakovë, fiton Ardian Gjini

Exit poli i udhëhequr nga Shkelzen Maliqi në bashkëpunim me Klan Kosovën, ka filluar publikimin e  rezultateve sipas tyre për Zgjedhjet Lokale të rundit e dytë.

Baton Haxhiu ka thënë se në komunën e Gjakovës, ka fituar bindshëm Ardian Gjini nga Alenaca për Ardhmërinë e Kosovës.

Prizrenin e fiton Shaqir Totaj

Sipas Exit Poll-it të Klan Kosovës, komunën e Prizrenit e ka fituar kandidati për kryetar nga radhët e PDK-së, Shaqir Totaj.

Agim Bahtiri fiton në Mitrovicë

Agim Bahtiri, kandidati i Aleancës Kosova e Re, ka fituar në Mitrovicë, njofton Klan Kosova.

Kështu bën të ditur EXIT POLL-i i Klan Kosovës.

Sipas këtyre rezultateve preliminare, Agim Bahtiri ka marrë 52.1 përqind, ndërsa Valdete Idrizi e Partisë Demokratike të Kosovës ka marrë 47.9 përqind.

Agim Aliu fiton në Ferizaj

Agim Aliu, kandidati i Partisë Demokratike të Kosovës, ka fituar në Ferizaj, njofton Klan Kosova.

Sipas këtyre rezultateve preliminare, Agim Aliu ka marrë 53.2 përqind, ndërsa Muharrem Svarqa i Lidhjes Demokratike të Kosovës ka marrë 46.8 përqind.

Xhafer Tahiri fiton në Vushtrri

Sipas EXIT POLL-it të Klan Kosovës, Xhafer Tahiri nga Lidhja Demokratike e Kosovës do të qeverisë me komunën e Vushtrrisë gjatë katër viteve të ardhshme.

Tahiri ka dalë fitues në Vushtrri me 60.7% duke lënë pas Ferit Idrizin nga PDK me 39.3% të votive.

Balotazhi në Gjakovë, KQZ sjell këto rezultate

Komisioni Qendror i Zgjedhjeve ka përditësuar të dhënat rreth pjesëmarrjes në zgjedhje, raporton Gazeta Blic.

Në Komunën e Gjakovës deri me tash kane votuar 28 mije e 89 qytetarë.

Sipas rezultateve të KQZ deri në ora 15:00, pjesëmarrja e qytetarëve në zgjedhje është 25,25% ndërsa të drejtë vote kanë 114.418 qytetarë.Në komunën e Gjakovës në garën për balotazh po ballafaqohen Ardian Gjini i AAK-së dhe Mimoza Kusari- Lila nga radhët e Alternativës.