Kishte nisur të ankohej nga dhimbje të forta të kokës dhe më pas të veshit, por deri në momentin që shkoi në spital nuk e kishte menduar atë që po i ndodhte.

Gruaja e identifikuar si Lekshmi L, u shoqërua në spital kur dhimbjet u bënë të padurueshme dhe pasi bëri vizitën mjekët zbuluan se në veshin e saj ishte një merimangë.

Lekshmi, e cila jeton në Indi, u dërgua në një spital në Karnataka, pasi ajo tha se po përjetonte dhimbje koke pas një gjumi në verandën e saj.

Pas inspektimit nga doktorët, u zbulua se insekti tetë këmbësh që jetonte në veshin e saj kishte krijuar një fole.

Dr Santosh Shivaswamy i cili e kuroi tha për “The Indian Express” se është mjaft normale që njerëzit të kërkojnë kujdes mjekësor për objekte të çuditshme në veshët e tyre, por rasti i Lekshmit dukej se ishte vërtetë i pazakontë. /b.l/noa.al/