Transmetuar më 28-10-2017, 19:02

Kjo është Blerta 3-vjeçare nga Kosova, e cila fatkeqësisht është djegur në shtëpinë e saj, me ujë të nxehtë.

Ajo është e detyruar që çdo ditë të durojë dhimbjet e tmerrshme të djegies, pasi prindërit nuk kanë para për mjekimin e saj.

Nëna e saj Mevlude Asani nuk e ka të lehtë, pasi shprehet se i dhemb shpirti kur shikon të bijën në këtë gjendje.

“Vajza më është djegur nga kushtet të rënda, burrin pa punë, fëmijët po kërkojnë kushte unë s’po mundem. Unë vendosa ujin ta ngrohi dhe isha brenda duke përgatitur ushqimin, kur bërtiti dhe ish djegur sepse kushtet e rënda. Mjeku po kërkon pare, unë nuk kamë edhe s’po kujdesën për këtë. Ju është djegur gjoksi , krahu dhe qafa”, tha Mevlude Asani.

Teksa nëna e saj rrëfen për jetën e vështirë, vajza tjetër Alma nuk ndalet së lotuari. “Kushtet nuk i kemi, jemi me qira kemi vetëm dy dhoma edhe këta dy dhoma janë shumë të vjetra të kalbura dhe në lagështi të madhe. Me një shporet të vjetër aty ziej ati pjekim, nuk kam banjë, fëmijët edhe vetë ne lahemi në një vend të improvizuar”, shtoi Mevlude Asani.