Një zjarr i rënë në një banesë në Devoll ka bërë që i zoti i saj të pësojë djegie.

Gjithçka ka ndodhur pasditen e djeshme, kur rreth orës 16:00, në banesën e shtetasit P.N., 70 vjeç, ka rënë zjarr.

Për pasojë janë djegur disa orendi kuzhine si dhe i moshuari ka marrë lëndime në duar, për të cilat ka marrë mjekim në spital.

Nga veprimet e kryera rezultoi, se zjarri ka rënë si pasojë e një rrjedhje gazi në kuzhinë.

Paraprakisht dyshohet se ngjarja është aksidentale, ndërkohë që materialet i’u referuan Prokurorisë së Korçës për ndjekej të mëtejshme. /a.y/noa.al

Foto ilustruese