Pasioni për skuadrën e zemrës nuk ka moshë, dhe i tillë është dhe rasti i 79-vjeçares belge Meme Francine, e cila këto ditë mori një dhuratë të veçantë nga idhulli i saj i fushës, Eden Hazard.

Francine, një fanse e thekur e lojtarit të Chelseat e ka shndërruar shtëpinë e saj në një muze të kombëtares belge, por koleksionit së fundmi ajo mund t’i shtojë dhe fanellën e dhuruar nga vetë futbollisti.

Hazard, kur mësoi për tifozen e tij të veçantë vendosi t’i dërgonte asaj fanellën e tij të firmosur. Një gjest të cilin 79- vjeçarja e vlerësoi së tepërmi, aq sa nga gëzimi nuk i përmbajti dot lotët.