Fushë Krujë, 12 qershor 2014, NOA.al- Katër persona të armatosur dhe me maska kanë grabitur një firmë materialesh ndërtimi në Fushë Krujë.

Autorët e grabitjes nën kërcënimin e armëve  kanë çarmatosur rojen që ndodhej në objekt, duke mundur që të hyjnë brenda saj.

Mësohet se firma merrej me shitjen e materialeve të ndërtimit, ndërsa gjatë grabitjes është marrë gjithë xhirua ditore.

Gjatë grabitjes nuk ka pasur persona të lënduar, ndërsa lidhur me këtë rast janë sinjalizuar efektivët e policisë, të cilët kanë nisur punën për identifikimin dhe kapjen e autorëve të ngjarjes./a.y/noa.al/