Mat, 29 maj 2014, NOA.al- Një person ka humbur jetën gjatë kohës që ka qenë duke punuar në një minierë në zonën e Matit.

37 vjeçari Shkëlqim Pisli ka gjetur vdekjen rrugës duke u transportuar me helikopter për në spital.

Pisli ka qenë duke punuar në minierën e Cerujit në Mat, në momentin që një masiv shkëmbor është shembur dhe e ka zënë poshtë.

Kanë qenë punëtorët e tjerë në minierë ata që i kanë ardhur në ndihmë, duke lajmëruar edhe ndihmën e shpejtë.

Aktualisht forca të shumta policie ndodhen në vendin e ngjarjes, ku vijojnë hetimet për të zbuluar shkaqet e aksidentit në punë./a.y/noa.al/