Gjirokastër, 6 maj 2014, NOA.al-  Sekuestrohen 30 kg mariuanë në aksin rrugor Gjirokastër-Uji i Ftohtë.

Policia informon se nga informacionet e marra, një automjet tip citroen po transportonte lëndë narkotike  të marrë në Lazarat në drejtim të Tiranës. Pas ndalimit të makinës ka rezultuar se informacion i ishte i saktë dhe në automjetin Citroen me targa AA 591 IH, që drejtohet nga 61 vjeçari Ndue Marku banues në Mirditë , ishin të fshehura  23 pako mariuanë.

Sipas policisë droga ishte fshehur në shasinë e automjetit poshtë sedijes së pasme  në një dhomë të krijuar enkas për të fshehur lëndën narkotike.

Policia ka sekuestruar lëndën narkotike dhe ka arrestuar 61 vjeçarin.

Ky është operacioni i dytë i realizuar nga policia e Gjirokastrës,  brenda 24 orëve. Dje forcat e  policisë arritën të sekuestronin rreth 500 kg Mariuanë gjatë operacionit të Koduar “Udin”. /e.gj/noa.al/