Durrës, 12 tetor 2012, NOA/A.Ymeraj- Vetëm ajo mund të zbardhte gjithë rrethanat e ngjarjes makabre, por s’është më në jetë.

Vajza e gjetur e masakruar në Xhafzotaj të Durrësit, e goditur me thikë dhe e gjetur pa kokë mëngjesin e djeshëm, mbante një të fshehtë brenda vetes.

Ekspertiza e parë mbi trupin pa kokë të 18 vjeçares kanë treguar se Aishe Vata ishte shtatzënë në muajin e tretë.

Siç raporton noa.al ky fakt ka ngritur dy pista nga ana e policisë lidhur me shkaqet e ekzekutimit; Aishja mund të jetë vrarë nga personi me të cilin kishte ngjizur fëmijën dhe kishte raporte intime, ose nga ndonjë i afërm i saj pas zbulimit të shtatzënisë, pasi mund të turpëronte familjen.

Kujtojmë këtu se Aishe Vata e cila në verë kishte mbaruar shkollën e mesme në Mederesë, u gjet pa kokë në një arë të mbjellë me misër pranë banesës së saj nga babai Muhamed Vata, i cili i shokuar nga skena horror lajmëroi të afërmit dhe menjëherë edhe policinë.

Muhamet Vata gjeti trupin e Aishes në një parcelë toke pranë shtëpisë, teksa prehej e pajetë mes gjakut e dheut...por trupit i mungonte koka.

Sipas dëshmive të mbledhura nga policia vajza kishte dalë pas mesnate nga shtëpia me të brendshme dhe dhe robdeshambër hedhur sipër, çka ka thelluar dyshimet se ajo mund të jetë ekzekutuar nga personi me të cilin kishte lidhje intime.

Nga ana e policisë vijon kontrolli i gjithë zonës përreth Xhafzotaj për gjetjen e kokës, ndërsa trupi i saj është goditur disa herë me thika dhe më pas i është prerë koka.

Lidhur me ngjarjen e rëndë që tronditi mbarë Durrësin por edhe Shqipërinë, uniformat blu kanë shoqëruar mbi 20 persona në polici, miq, të afërm të viktimës dhe persona që mund të kenë dijeni me ngjarjen, ndërsa ende nuk flitet për një pistë të saktë që i mori jetën vajzës së re.

Gjithsesi nuk dihet ende se si dhe pse e ndjera ka dalë pas mesnate nga banesa, si e kanë lejuar prindërit, dhe pse kishte dalë me të brendshme...pikëpyetjet për ekzekutimin horror të Aishe Vatës nuk kanë marrë ende përgjigje.

Trupi i pajetë i vajzës së masakruar të cilit i mungon koka, pritet të përcillet në banesën e fundit rreth orës 15.00 të mesditës së sotme.

a.y/noa.al

Lexoni edhe: Vrasje horror në Durrës, trupit të 18 vjeçares i mungon koka