Prishtinë, 16 shtator 2012, NOA- Persona të paidentifikuar kanë sulmuar mbrëmjen e së shtunës, makinën e një punonjësi të zyrës Administrative në Kosovë.

Shefja e kësaj zyre ka informuar lidhur me këtë incident, duke theksuar se kjo është hera e tretë që serbëve të punësuar në këtë zyrë, u sulmohen makinat.

“Kemi 52 punëtorë nga veriu i Mitrovicës. Nuk merremi me politikë, por vetëm ndihmojmë qytetarët. Nuk e di pse duhet të jemi shënjestër e sulmeve”, ka thënë ajo për median kosovare.

Gjithashtu, shefja e Zyrës Administrative ka kërkuar nga EULEX-i dhe Policia e Kosovës që të hetojnë rastin dhe autorët e këtij incidenti të dalin para drejtësisë.

Qeveria e Kosovës, pak muaj më parë, me gjithë kundërshtimet e komunitetit serb, ka hapur Zyrën Administrative në veri të Kosovës.

noa.al