Ditët kryqëzohen dhe shirat e parë të vjeshtës janë në pritje. Kalimi i stinës së verës dhe trokitja e vjeshtës ka nevojë për disa ndryshime në mënyrën e ushqyerjes së organizmit tonë, në mënyrë që të mos ndihet kapërcimi.

Çdo ndryshim klimatik ndikon në mënyrë të dukshme në organizëm dhe rregulli kryesor është ndjekja e asaj që ofron natyra dhe të mos zbresim në banakun e marketit për të marrë çka aty, por rekomandohet të konsumohen ushqimet e stinës.

Një rëndësi të veçantë ka ndjekja e një diete të ekuilibruar dhe të pasur më ushqime të vjeshtës, të cilat na japin vitamina, minerale dhe proteina.

Siç informon noa.al për të shmangur simptomat e lodhjes dhe përgjumjes rekomandohet të konsumohet peshk i pasur me omega 3 dhe 6, i cili ndikon në rregullimin e humorit, si salmoni i cili ka veti të mira në aktivitetin e trurit, ndërsa rekomandohen edhe frutat e thata.

Perimet duhet të konsumohen të gjalla por edhe suprat me perime këshillohen.

Në dietën ushqimore të vjeshtës duhet përfshirë edhe brokoli, fasule,panxhar, kërpudha, rrepë, bishtaja, patëllxhan, kungull, si ushqime të pasura me fibra dhe vitmania.

Në radhët e frutave rekomandohen, gështenja, fiq, ftua, bajame, manaferra, lajthi, kumbulla të thata të cilat ndihmojnë në rregullimin e aktivitetit të zorrëve.

Theksojmë këtu se rekomandohet edhe ngrënia e kivit i cili përmban vitaminë C dhe u jep lehtësim këmbëve të lodhura si dhe ndikon në uljen e nivelit të stresit.

a.y/noa.al