Tiranë, 7 shtator 2012, NOA- Zyrtarisht ish-Presidenti Bamr Topi i është bashkuar forcës së re politike Frymës së Re Demokratike e udhëhequr deri më tani nga deputeti nismëtar Gazment Oketa.

Në fjalën e mbajtur me këtë rast Oketa tha se grupi nismëtar mirëpriti me respekt dhe gatishmëri vendimin e zotit Topi për tu bërë pjesë e FRD.

“FRD mori vendimin që ti besoj drejtimin e kësaj partie zotit Bamir Topi deri në Kuvendin e ardhshëm Kombëtar, si një angazhim më shumë për të. Prania e tij në Frymën e Re Demokratike është një vlerë e shtuar, i cili iu bashkua projektit tonë për të dhënë kontributin e tij për një Shqipëri demokratike”, u shpreh Oketa, raporton noa.al.

Në vijim ai shtoi se janë edhe 10 muaj kohë deri sa shqiptarë të vendosin për të ardhmen e tyre dhe se vota e tyre do vendosë gjithçka.

a.y/noa.al