Maqedoni, 18 gusht 2012, NOA - Shefi i shtabit të Armatës së Republikës së Maqedonisë, gjeneral- majori Goranço Kotevski ka deklaruar se nuk do të lejojë politizimin e pjesëtarëve të ushtrisë.

“Nuk do të lejojë që të thyhen shtizat politike në kokat e pjesëtarëve të ARM-së. Do të ecim drejt arritjeve të reja, duke ndjekur interesat e shtetit dhe standardet e NATO-s. Si kryeshef i shtabit të përgjithshëm nga të gjithë ushtarët kërkojë mbështetje, profesionalizëm, disiplinë dhe përgjegjësi. Kjo është e nevojshme për të arritur qëllimet e mbrojtjes. Ata që nuk mund të plotësojnë këto kushte dhe kritere apo vlera morale nuk e kanë vendin në ARM”, ka theksuar sot gjeneral – majori Kotevski me rastin e përvjetorit të 20 të ARM-së.

Kjo porosi e tij ka pasuar pas debateve të ashpra lidhur me homazhet e 13 gushtit në varrezat e dëshmorëve të UÇK-së në Sllupçan, ku morën pjesë edhe oficerë të ARM-së të shoqëruar nga ministri i mbrojtjes, Fatmir Besimi.

NOA/INA