Dukej e pabesueshme, por është e vërtetë. Pas 25 vitesh, aktori Ron Moss do të largohet në muajin tetor nga seriali televiziv “Beautiful”.

Pas 25 vitesh në rolin e këshilluesit të modës, Ridge Forrester (dhe martesave të panumërta), 60-vjeçari Ronn Moss ka vendosur t’i thotë lamtumirë serialit televiziv, raporton noa.al.

Lajmi është pranuar nga një zëdhënës i shoqërisë së produksionit televiziv.

“Ronn ka kaluar 25 vite të mrekullueshme me B&B, dhe ne e konsiderojmë gjithnjë pjesë të familjes. Për këtë arsye i urojmë gjithë të mirat dhe i urojmë sukses për angazhimet në të ardhmen e tij”, shprehet ai.

Mësohet si një ndër angazhimet më të mundshme që aktori do t'i rikthehet me siguri, është dashuria e tij e madhe profesionale, muzika.

Ronn Moss, i cili ditët e fundit ka shpëtuar nga një aksident i rëndë rrugor, do të xhirojë edhe pjesën e fundit të serialit “Beautiful”, në 14 gusht e më pas do të përshëndetet me stafin.

b.gj/noa.al