Londër, 11 gusht 2012, NOA- Me vogëlushen vetëm një vjeç në krahë futbollisti David Beckham ka ndjekur nga afër bashkëshorten, Victoria e cila po përgatitet për mbrëmjen finale të Lojërave Olimpike.

Por ndërsa një kërcimtar ka kapur për dore stilisten për ta shoqëruar në skenë, David ka shfaqur shqetësim për sigurinë e bashkëshortes, raporton noa.al.

Një burim i afërt ka theksuar se David mund të jetë ndjerë disi në siklet në këtë moment që balerini po shoqëronte bashkëshorten e tij.

Mësohet se gjatë interpretimit të Vic në mbrëmjen finale, edhe fëmijët e saj do të kenë një rol të vogël ku do të shfaqen pranë nënës së tyre në skenë.

Edhe djemtë e çiftit Beckham janë parë në provat e natës finale të Lojërave Olimpike, ku 13-vjeçari Brooklyn, 9-vjeçari Romeo dhe 6-vjeçari Cruz kanë takuar disa forca të policisë në Olimpik Park.

b.gj/noa.al