Bologna, 5 gusht 2012, NOA- Grabiti një të moshuar në qendër në sheshin e qytetit të Bolognas në Itali por në tentativë për tu arratisur një funksionar i lartë i policisë pa gjithë ngjarjen.

I vënë në ndjekje të tij, numri dy i policisë së Bolognas vuri në pranga një 28 vjeçar shqiptar së bashku me çantën e vjedhur të së moshuarës.

Siç informon noa.al, së bashku me një bashkëpunëtor tjetër pak më parë ata kishin sulmuar edhe një të moshuar tjetër duke i marr varësen dhe çantën.

Pas shoqërimit në polici dhe verifikimeve përkatëse, rezultoi se i ndaluari është hajdut serial dhe në shënjestër të tij ishin gjithmonë moshat e treta, ku u dokumentuan edhe një sërë vjedhjesh të kryera prej tij.

Gjithsesi nga ana e forcave të rendit pas dëshmive të mbledhura vijon puna për kapjen e bashkëpunëtorit të tij.

a.y/noa.al