Palermo, 15 qershor 2012, NOA- Detyroi një nxënës që të shkruante 100 herë në tabelë “Jam budalla” pasi ky i fundit kishte ndaluar një shokun e tij të hynte në banjë, duke e fyer.

Mësuesja e shkollës së mesme, tashmë në pension, Giuseppina Valido, pas denoncimit të nxënësit u dënua me 1 muaj burg për abuzim me detyrën, dënim i cili në gjykatën e Apelit u kthye në 20 ditë burg.

Gruaja e cila jepte mësim në një shkollë në Palermo, siç informon noa.al u mbrojt duke thënë se e kishte përdorur këtë lloj ndëshkimi pasi i kishte shpjeguar nxënësit kuptimin e fjalës budalla, në mënyrë që të kuptonte gabimin e bërë.

a.y/noa.al