Prishtinë, 14 qershor 2012, NOA- Një ngjarje e rëndë ka ndodhur në Prishtinë, në lagjen e Sharbanëve ku si rrjedhojë e saj janë terrorizuar banorët e zonës, nga një përleshje e armatosur mes dy grupeve.

Sipas të dhënave të policisë siç raporton noa.al, si pasojë e kësaj përleshje të armatosur është plagosur një kalimtar i rastit I. B. 65 vjeç, i cili është dërguar me urgjencë në spital.

Policia e Kosovës me të marrë informacionin ka shkuar në vend ngjarje për të bërë lokalizimin e vendit të ngjarjes, ku ka bërë arrestimin e njërit nga të dyshuarit H. J. i moshës 30 vjeç të cilit iu gjet dhe sekuestrua një armë  AK 47.

Nga ana e policisë kanë nisur hetimet për zbardhjen e kësaj ngjarje, ndërsa janë vënë në ndjekje të personave të dyshuar, persona të identifikuar tashmë.

a.y/noa.al