Kënga dhe kripi i tyre më i fundit që e kanë bërë së bashku mban titullin “Mike dhe rivale”.

Edhe në Netët e Klipit Shqiptar që u zhvillua këto ditë në Tiranë, ato ishin sërish të dyja, si shoqe dhe si ndarëse të çmimeve.

Ingrid Gjoni dhe Çiljeta Çilaga morën çmimin e Produksionit në këtë eveniment të Televizionit Publik Shqiptar.

Dhe spektatorët patën mundësinë të shijojnë pamje provokuese. Çiljeta me një fustan të kuq ku gjoksi me të cilin ia vlen të krenohet, duket mëse provokues, kurse “rivalja” e saj Ingridi, me një pamje fort seksi sikundër shihni fotot.

Çiljeta prej pak kohe nuk është më me të dashurin e saj i cili nga mediat bëhet e ditur se është burgosur në Itali për trafik droge. Tani Çiljeta po duket lokaleve të natës me ca djem me muskuj ku fotot e paparacëve të gazetave këtë fundjavë e kanë nxjerrë goxha të lumtur mes tyre.

Ndërsa Ingridi, pas lindjes së djalit të saj është edhe ajo mjaft në formë. Ingridi këndoi tek Netët e Klipit Shqiptar edhe këngën e saj më të fundit duke demonstruar kështu se është gati t’i rikthehet skenës sa më shpejt.