Me rastin e 110-vjetorit të Pavarësisë VIP-at shqiptarë dhe jo vetëm, kanë uruar Festën e Flamurit duke ndarë postime të ndryshme në rrjetet e tyre sociale. Ata janë shprehur më shumë se kurrë krenar për rrënjët e tyre.
Mirëpo në këtë mes moderatorja e njohur, Dojna Mema, ka dy fjalë ndryshe. Më shumë se një urim, moderatorja iu është drejtuar ndjekësve të saj duke u shprehur se nuk është mirë me qenë shqiptar, kur ke po të njëjtat probleme si 100 vjet më parë.
Krahas një imazhi me disa rreshta të Faik Konicës, Dojna shkruan:
“Sot është dita kur zgjohet një lloj katergorie “patriotësh” patatinash që e bëjnë qesharak patriotizmin në vetvete.
Fjalët e Konices janë shkruar në 1900-en , kështuqë kursejeni “O sa mirë me ken shqiptar” e lloj-lloj teprimesh të tilla sepse nuk është mirë ‘me ken shqiptar’ kur ke po të njëjtat probleme si 100 vjet më parë.”
Shqipëria sot feston 110– vjetorin e shpalljes së pavarësisë. Më 28 Nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur.
Ndër “VIP-at” që kanë publikuar në llogaritë e tyre sociale për 28 nëntorin deri më tani janë: Getinjo, Sabiani, Julian Deda, Fjodora Fjora, Kiara Tito, Rudina Dembacaj, Iva Tiço, Turjan Hysko, Endri Çekiçi e të tjerë.